Сайтка кириу

СВЕТОФОР ИСКЕ ТҮСТИ

Жақыннан баслап районымыз орайындағы Ақмаңғыт гүзары ҳәм Дарсан көшелери кесилиспесинде ҳәзирги заман талапларына жуўап беретуғын заманагөй светофор қурылмасы иске түсти.

Бул ҳаққында районлық ИИБ жол қәўипсизлиги бөлими баслығы Б.Султанов: – Бүгинги күнде районымызда жол ҳәрекети ҳәдийселери көп ушыраспақта. Деген менен өткен жыл менен салыстырғанда әдеў кемейди. Атап айтқанда, 2017-жылдың 4 айында 3 жол транспорт ҳәдийсе жүз берген болса, усы жылдың  төрт айында 1 жол транспорт ҳәдийсе жүз берди.

Жол ҳәрекети ҳәдийселерин кескин кемейтиўге өз үлесин қосатуғын заманагөй светофор районымызда ҳәрекетлениўши автотранспортлардың қәўипсизлигин тәмийинлеўде үлкен рол атқарады,-дейди ол өз сәўбетинде.