Сайтка кириу

РАЙОНЫМЫЗДА БИЙДАЙ ОРАҒЫ БАСЛАНДЫ

 

12-июнь күни «Қырантаў» АПЖ аймағында жайласкан «Хожамурат ақмаңғыт» фермер хожалығында гүзлик бийдайды орып алыўға бағышланған семинар-кеңес болып өтти.

Семинарда Қарақалпақстан Республикасы Жоқарғы Кеңеси Баслығы М.Ерниязов шығып сөйлеп, тийисли тараў қәнигелерине, фермер хожалықлары баслықларына ҳәм ғәллекешлеримиз алдында турған ўазыйпаларға кең түрде тоқтап өтти.

Районымызда 2018-жыл зүрәәти ушын 5 800 га майданға гүзлик бийдайы егилген болып мәмлекетке 10 060 т бийдай тапсырыў режелестирилген.

Бүгинги күнде районымызда гүзлик бийдайды тез күнде шөлкемлескенлик пенен жыйнап алыў мақсетинде 9 отряд шөлкемлестирилип бул отрядларға 12 дана дән орыў комбайнлары, 28 дана дән тасыў автомобиллери, 25 дана трактор, 30 дана трактор тиркемелери ҳәм буннан басқа да тийисли мәкемелерден ўәкиллер бириктирилген.