Сайтка кириу

ХАЛЫҚ ИЙГИЛИГИНДЕГИ ХЫЗМЕТЛЕР

Нөкис районы мәмлекетлик хызметлер орайы тәрепинен 2018-жыл даўамында жәми 10 054 физикалық ҳәм юридикалық шахслардан мүрәжатлар қабыл етилди. Соннан физикалық шахслардан 9280 мүрәжат юридикалық шахслардан 264 мүрәжат қабыл етилип ҳәм бул мүрәжатлар өз ўақтында сапалы орынланды. Орайдан узақта жайласқан аймақ турғынларына 394 көшпели мәмлекетлик хызметлер көрсетилиў менен түсиндириў жумыслары алып барылды. Семинарлар шөлкемлестирилди.

Исбилерменлик субъектлерин мәмлекетлик дизимнен өткериў бойынша да 2018-жыл даўамында бир қанша жумыслар әмелге асырылды. Атап айтсақ, юридикалық тәреп сыпатында жәми 306 кәрхана мәмлекетлик дизимнен өткерилди. Дизимге алынған юридикалық тәреплердиң ишинде өз шаңарақ ағзалары менен шаңарақ мүлкинен пайдаланылған ҳалда исбилерменлик пенен шуғылланыўшы жаңадан 15 шаңарақлық кәрханалар дизимге алынды. Ал, физикалық тәреп бойынша жәми 204 жеке тәртиптеги исбилерменлер мәмлекетлик дизимнен өткерилди.

Жоқарыда атап көрсетилген жеке тәртиптеги исбилерменлерден юридикалық шахс дүзбестен шанарақлық исбилерменлик пенен шуғылланыў ушын жаңадан 9, жеке тәртиптеги шаңарақлық исбилермен 10 ҳәм 25 дийқан хожалығы менен шуғылланыўшы жеке тәртиптеги исбилерменлер мәмлекетлик дизимнен өткерилди.

Өзбекстан Республикасы Президентиниң «Пуқараларды социаллық қоллап-қуўатлаў бойынша қосымша ис-илажлар ҳәм де өзбасымшалық пенен қурылған турақ жайларға болған мүлк ҳуқықын тән алыў бойынша бир мәртелик улыўма мәмлекетлик акциясын өткериў ҳаққында»ғы Пәрманы талапларының орынланыўын тәмийинлеў ҳаққында Өзбекстан Республикасы Министрлер Кабинетиниң Қарары қабыл етилип, бул бойынша да орай тәрепинен жәми 348 мүрәжат қабыл етилди. 207 пуқараның өзбасымшалық пенен қурылған турақ жайларға болған мүлк ҳуқықы тикленип район ҳәкиминиң қарары қабыл етилди.

Демек, бул жумыслардың барлығы да халық ийгилиги ушын мәмлекетлик хызметлер орайы тәрепинен исленип атырған жумыслар болып ессапланады.

Бекбосын ӘЎЕЗОВ

Нөкис районы Мәмлекетлик хызметлер орайы директоры