Сайтка кириу

Страницы

РАЙОНЫМЫЗДА 428 ПУКАРАНЫН ПЕНСИЯ ПУЛЛАРЫ КОБЕЙЕДИ

Президентимиз «Пуқаралардың пенсия тәмийнаты системасының нәтийжелилигин асырыў ҳәм пенсионерлерди социаллық қоллап-қуўатлаўды күшейтиўге байланыслы қосымша илажлар ҳаққында»ғы Пәрманы менен 2019-жылдың 1-январынан баслап:

– барлық ислеўши пенсионерлерге пенсиялар толық муғдарда төленеди;

– пенсияны есап-санақ етиў ушын ис ҳақының максимал муғдары ең кем айлық ис ҳақынын сегиз барабарынан он барабарына асырылады.

Ҳәзирде әмелдеги нызамға көре, ислеген дәўириндеги алынған айлық қанша көп болмасын, пенсияны есаплаўда ислетилетуғын сумманың максимал муғдары белгилеп қойылған. Усы сумма ең кем айлық ис ҳақының 8 барабарын қураған. Мәселен, пуқара ислеген ўақтында айтайық 2 млн.сум айлық алған болса ҳәм пенсияны есаплаўда оның айлығы 1 млн. 621 мың сум (ҳәзирги ең кем айлық ис ҳақы 202730*8) болған деп қабыл етилер еди.

Ендигиден баслап, пенсияны есап-санақ етиў ушын ис ҳақынын максимал муғдары ең кем айлық ис ҳақының сегиз барабарынан он барабарына (ҳәзирде 2 млн. 27 мың 300 сум) асырылады. Бул болса өз өзинен пенсияға шығып атырған шахсларға және де көбирек пенсия тайынлаў имканын береди.

Сондай-ақ, пенсия есаплаўда орташа айлық ис ҳақы 8 барабардан жоқары болған пенсионерлердиң пенсия муғдары айлық ис ҳақының муғдарынан келип шығып орташа 65-265 мың сумға асады. Соны айтып өтиў керек, усы өзгерислер пенсия тайынлаўда есапқа алынған орташа айлық ис ҳақы муғдары ең кем айлық ис ҳақының 8 барабарынан кем болған пенсионерлерге тәсир етпейди.

Районымызда 5152 пенсия ҳәм напақа алыўшы пуқаралар бар болса соннан 428 пуқараның пенсия пуллары көбейиўи күтилмекте.

Бақберген АЛЛАМУРАТОВ

Нөкис районлық Пенсия қоры баслығы