Сайтка кириу

Страницы

БЕЛСЕНДИ ҲАЯЛ-ҚЫЗЛАР ХОШАМЕТЛЕНДИ

Нөкис районының социал-экономикалық раўажланыўында ҳәм 2018- Жедел исбилерменлик, инновациялық идеяларды ҳәм технологияларды қоллап-қуўатлаў жылы Мәмлекетлик бағдарламасының орынланыўында салмақлы үлеси бар белсенди ҳаял-қызларды хошаметлеў мақсетинде районлық ҳаял-қызлар комитети тәрепинен жылдың жуўмағы мүнәсибети менен байрам кешеси болып өтти.

 

Байрам илажына қатнасыўшыларды район ҳәкими А.Сейтахов қутлықлап, жуўмақланып атырған жылда районымыз медицина, билимлендириў, спорт ҳәм исбилерменлик тараўында ерлер менен бир сапта мийнет етип атырған ҳаял-қызларымыздың машақатлы мийнетлери ҳәм жетискенликлерине тоқтап өтти.

Буннан соң районлық ҳаял-қызлар комитети баслығы С.Абатова район ҳаял-қызларының жәмийетлик-сиясий белсендилигин күшейтиў, нызамлы мәплерин тәмийинлеў, шаңарақ институтын беккемлеў ҳәм қоллап-қуўатлаў бойынша бир қанша илажлар әмелге асырылғанлығын айтып, кеше қатнасыўшыларын кирип киятырған 2019-жыл менен қутлықлап, өзиниң жақсы тилеклерин билдирди. Буннан соң кешеде белсенди ҳаял-қызлар хошаметленди.

Жаңа жыл қарсаңындағы шөлкемлестирилген бундай байрам илажлары өз гезегинде ҳаял-қызларымыздың келешектеги жумысларының буннан да бәлент нәтийжелерге ерисе бериўине тийкар жаратады.