Сайтка кириу

Страницы

“АРБАШЫ” АЎЫЛ ПУҚАРАЛАР ЖЫЙЫНЫ САЙЛАЎЫ ХАҚҚЫНДА

11-май күни Нөкис районы 7-санлы улыўма билим бериў мектебинде “Арбашы” аўыл пуқаралар жыйыны баслығын (ақсақалын) сайлаў болып өтти.

Мәжилис басқарыўшысы жыйналғанларды күн тәртибиндеги мәселелер менен таныстырды. Онда президиум ағзаларын, есап-санақ комиссиясын аўыл пуқаралар жыйыны баслығын (ақсақалын) сайлаў мәселелери қойылып, жумыс регламенти тастыйықланды. Оннан соң аўыл пуқаралар жыйыны баслығы (ақсақалы) лаўазымына талабанлар Даўлетбаев Оразбай ҳәм Палўанов Яқыпбайлар өзлеринин бағдарламалары менен таныстырды. Сайлаўға 245 ўакилден 215 ўакил қатнасты. Сайлаў жуўмағында Даўлетбаев Оразбай 204 даўыс алды. Палўанов Яқыпбай 11 даўыс алды. Даўлетбаев Оразбай 204 даўыс пенен “Арбашы” аўыл пуқаралар жыйыны баслығы (Ақсақлы) етип кайта сайланды.