Сайтка кириу

Страницы

КЕМ ТӘМИЙИНЛЕНГЕНЛЕРГЕ ИТИБАР ҚАРАТЫЛМАҚТА

“Саманбай” аўыл пуқаралар жыйынында кем тәмийинленген пуқаралар менен ушырасыў болып өтти.

Оған Нөкис район ҳәкиминиң орынбасары, ҳәял-қызлар комитети баслығы С. Абатова, районлық салық инспекциясы, комерциялық банк қанигелери қатнасты. Бул ушырасыўдың мақсети “Саманбай” аўыл пуқаралар жыйыны аймағындағы 99 пуқара кем тәмийинленген есабында турған болып, усы есапта турғанлардың бантлигин тәмийинлеў ҳәм кем тәмийинленгенлер қатарынан шығарыў бойынша 8 пайызлы кредитлер туўралы мағлыўматлар берилди ҳәм әмелий жәрдемлер көрсетилди. Ушырасыў нәтийжесинде Сурғалиева Инкар тигиў машинасы, Камалова Гулмира нан писириў үскенеси, Сапаров Куўаныш тигиў машинасын алыў разылығын билдирди.