Сайтка кириу

Страницы

“ҚЫРАНТАЎ” АЎЫЛ ПУҚАРАЛАР ЖЫЙЫНЫ БАСЛЫҒЫ (АҚСАҚАЛЫ) ЖАҢАДАН САЙЛАНДЫ

12-май күни Нөкис районы Шортанбай аўыл хожалық кәсип-өнер көлледжинде “Қырантаў” аўыл пуқаралар жыйыны баслығын (ақсақалын) сайлаў болып өтти. Онда район ҳәкими А.Сейтахов шығып сөйлеп, Шотанбай елаты быйыл “Абат аўыл” дәстүрине киртилгенлигин ҳәм бул ийгиликли ислерге жаңадан сайланатуғын аўыл пуқаралар жыйыны ақсақалы тиккелей басшылық ететуғынлығын атап өтти.

Мәжилис басқарыўшысы жыйналғанларды күн тәртибиндеги мәселелер менен таныстырды. Онда президиум ағзаларын, есап-санақ комиссиясын ауыл пуқаралар жыйыны баслығын (ақсақалын) сайлаў мәселелери қойылып, жумыс регламенти тастыйықланды. Оннан соң аўыл пуқаралар жыйыны баслығы (ақсақалы) лаўазымына талабанлар Хожанов Пурханатдин, Утемуратова Клара, Аташов Турсынбайлар өзлериниң бағдарламалары менен таныстырды. Сайлаўға 541 ўәкилден 456 ўәкил қатнасты. Сайлаў жуўмағы бойынша талабанларға берилген даўыс саны 50 пайызға жетпей қалыўы себепли қайта сайлаў өткерилдиҚайта өткерилген сайлаў жуўмағы бойынша Аташов Турсынбай “Қырантаў” аўыл пуқаралар жыйыны баслығы (Ақсақлы) етип жаңадан сайланды