Сайтка кириу

Страницы

«ҲӘКИМ КУБОГЫ» СПОРТ ЖАРЫСЛАРЫ ӨТКЕРИЛДИ

12-май күни Балалар-өспиримлер спорт мектеби ҳәм 26-санлы улыўма орта билим бериў мектебинде спорттың киши футбол ҳәм волейбол түрлери бойынша «Ҳәким кубогы» спорт жарысы өткерилди. Спорт жарысларына район аймағында жайласқан барлық мәкеме, кәрхана ҳәм шөлкемлеринде ислеўши ерлер ҳәм ҳаял-қызларынан ибарат жәми 26 команда белсене қатнасып, майданда өзлериниң шеберликлерин көрсетти. Жарысты өткериўден гөзленген тийкарғы мақсет жаслардың саламат турмыс тәризин қәлиплестириў, спорт жарысларына ғалабалық түрде қамтып алыў, бос ўақытларын мазмунлы шөлкемлестириў ҳәмде олар арасында дослық мүнәсибетлерин беккемлеўден ибарат. Физикалық жақтан шынығып барыўлары ушын бундай спорт жарысларының әҳмийети үлкен.

Жарыс жүдә кескин беллесиўлерге бай болды. Жарыс жуўмағы бойынша ерлер арасында спорттың киши футбол түри бойынша өткерилген жарыста 1-орынды Балалар-өспиримлер спорт мектеби командасы, 2-орынды «Ақмаңғыт» посёлка пуқаралар жыйыны командасы ҳәм 3-орынды районлық Халық билимлендириў бөлими командалары жеңип алды. Ҳаял-қызлар арасында спорттың волейбол түри бойынша өткерилген спорт жарысында
1-орынды 1-санлы қәнигелестирилген мәмлекетлик улыўма орта билим бериў мектеби, 2-орынды 12-санлы улыўма орта билим бериў мектеби ҳәм
3-орынды 17-санлы улыўма орта билим бериў мектеби командалары ийеледи. Барлық жарыс жеңимпазлары район ҳәкимлиги тәрепинен диплом ҳәм естелик саўғалары менен сыйлықланды.