Сайтка кириу

Страницы

“ТАШАББУС-2019” КθРИК ТАНЛАЎЫНЫҢ НθКИС РАЙОНЛЫҚ БАСҚЫШЫ БОЛЫП θТТИ

15-санлы Балалар музыка ҳәм көркем-өнер мектебинде “ТАШАББУС-2019” көрик танлаўының районлық басқышы болып өтти. Оған райондағы 29 исбилерменлик субъектлери қатнасты. Онда район прокуроры Ш. Алламбергенов ҳәм район ҳәкиминиң биринши орынбасары Қ. Тоқымбетовлар сөзге шығып, θзбекстан Республикасы Президенти саўғасы ушын исбилерменлер, фермерлер ҳәм өнерментлер арасында өткерилген “ТАШАББУС-2019” көрик танлаўының өткериўде белгиленген номинациялар менен бойынша бойынша танаў жеңимпазларын анықлаў ҳәм оларды хошаметлеў бойынша атап өтти. Номинациялар бойынша:

“Санаат тараўында ең жақсы исбилермен” номинациясы бойынша 5 кәрхана; “Хызмет көрсетиў тараўында ең жақсы исбилермен” номинациясы бойынша 6 кәрхана; “Жылдың ең жақсы фермери” номинациясы бойынша 7 фермер; “Жылдың ең жақсы өнерменти” номинациясы бойынша 6 өнермент; “Жылдың ең жақсы жас исбилермен” номинациясы бойынша 5 исбилермен қатнасты.

Шөлкемлестириў комиссиясы тәрепинен басқыш жеңимпазларын анықлаўда танлаўға қатнасыўшылардың финанслық жағдайы, ислеп шығарып атыр өнимлер (көрсетилип атырған хызметлер) түрлери, көлеми ҳәм сапасы, сондай-ақ, ислеп шығарылып атырған өнимлер, көрсетилген хызметлердиң тутыныўшылар ушын зәрүрлигине айрықша итибар қаратылды. Шөлкемлестириў комиссиясы номинациялар бойынша қатнасыўшыларды ҳәр тәреплеме үйренип шығып, “ТАШАББУС-2019” көрик танлаўының районлық басқышында төмендеги исбилерменлер жеңимпаз болды:

А) “Санаат тараўында ең жақсы исбилермен” номинациясы бойынша: 1-орын “Ақманғыт мебель” шаңарақ кәрханасы, 2-орынды “Нукус тарақиёт сари” ЖШЖ, 3-орынды “Пирман уста” шаңарақлық кәрханасы.
Б) “Хызмет көрсетиў тараўында ең жақсы исбилермен” номинациясы бойынша: 1-орынды “ Ақманғыт равож сервис” ЖШЖ, 2-орынды “Бекполат Ерполат” шаңарақ кәрханасы, 3-орынды “Гулбану Шахнозабану” жеке меншик кәрханасы.
В) Жылдың ең жақсы фермери” номинациясы бойынша: 1-орынды “Сағынбай асалши” фермер хожалығы, 2-орынды “Жоллыбай қуйын” фермер хожалығы, 3-орынды “Жобохир РР” фермер хожалығы.
Г)“Жылдың ең жақсы өнерменти” номинациясы бойынша: 1-орынды өнермент Ембергенова Замира, 2-орынды өнермент Абисадикова Шынар, 3-орынды өнермент Жақсымуратова Шахноза.
Д) “Жылдың ең жақсы жас исбилермени” номинациясы бойынша: 1-орынды өнермент “Қаңлы Хантөре ЖШЖ, 2-орынды өнермент Усенбаева Хансулыў, 3-орынды өнермент Қурбанбаева Зулхумар. Жеңимпаз болған танлаў қатнасыўшыларға баҳалы саўғалар тапсырылды.