Loading

wait a moment

“ҲӘКИМ ГРАНТЫ ”ЖЕҢИМПАЗЫ АНЫҚЛАНДЫ

Нөкис район ҳәкимлиги ҳәм Жаслар аўқамы районлық Кеңеси менен биргеликте өткерилген “Ҳәким ҳәм жаслар” ушырасыўында жаслар тәрепинен “Ҳәким гранты” таңлаўын шөлкемлестириў усыныс етилген еди. Сол тийкарда усы жылдың 20-май күни 15-санлы Балалар музыка ҳәм көркем-өнер мектебинде “Ҳәким гранты” таңлаўының 2-басқышы яғный финал басқышы өткериди. Оған район аймағындағы улыўма билим бериў мектеплериндеги 8-11-класс оқыўшылары ҳәм орта арнаўлы кәсип-өнер колледжлериндеги 1-басқыш жеңимпазлары қатнасып 3 шәрт бойынша билимлерин сынақтан өткерди.

Таңлаўды өткериўден тийкарғы мақсети районымыздағы бәрше оқыў орынлары оқыўшыларының социаллық-сиясий, руўхый ҳәм ҳуқықый саўатқанлығын ҳәм де пәнлерди жоқары дәрежеде өзлестириў ҳәм билим алыўға болған қызығыўшылығын асырыў болып табылады. “Ҳәким гранты” таңлаўы районда билимлендиририў тараўының еле де раўажланыўы, оқыўшылардың кәбилети, билим дәрежеси, келешекте елимиздиң раўажланыўына өз үлесин косатуғын маман кәниге етип жетилисиўине жәрдемлесиўден ибарат.

Таңлаў үш шәртте өткерилди:
1-шәрт- “Диктант” шәрти.
Бул шәртте қатнасыўшыларға төрешилери тәрепинен таярланған 100 сөз оқылады. Оқылған сөзлердиң грамматикалық қәтесиз жазылыўына қарап төрешилер тәрепинен максимал 40 баллық системада баҳаланды. 2-шәрт “Сораў-жуўап тест”.
Бул шәртте шөлкемлестириў комитети тәрепинен (сиясий, ҳуқуқый, мәнәўий, жәмийетлик, анық пәнлер,тәбийғый ҳәм Өзбекстан Республикасы Президентиниң мийнетлери) дүзилген 40 тест сораў берилди. 3-шәрт өз талантын көрсетиў. Бул шартте қатнасыўшыларының өзлериниң таланты, өнери, басламасы, ойлап табыўшылық, ҳәр тараўда, атап айтқанда, илим пән, мәденият, көркем-өнер, спорт, ҳәм басқада кәбилетлерин көрсетип бериўлери керек болды. Бул шәрт 20 баллық системада бахаланды.

“Ҳәким гранты” Танлаў жуўмағы бойынша 1-орынды
21-санлы улыўма билим бериў мектеби окыўшысы Айтмуратов Бердибек, 2-орынды 1-санлы қанигелестирилген мәмлекетлик улыўма билим бериў мектеби оқыўшысы Арзымбетов Бексултан ҳәм 13-санлы мектеп оқыўшысы Қыдырбаева Айгул, 3-орынды 12-санлы мектеп оқыўшысы Алланазарова Шийрын, 20-санлы мектеп оқыўшысы Сабитова Рабиға ҳәм 22-санлы мектеп оқыўшысы Қазақбаев Алишерлер жеңимпаз болды.

Жеңимпазлар төмендегише сыйлықланды:
1-орын жеңимпазы – 1 жас 3 000 000 (үш миллион)сўм;
2-орын женимпазы — 2 жас 2 000 000 (еки миллион) сўм ҳәр бирине;
3-орын женимпазы – 3 қатнасыўшыға 1 000 000 (бир миллион) сўм.
Жеңимпазлар район ҳәкими А.Сейтахов тәрепинен сертификат пенен сыйлықланды.

Добавить комментарий

Ваш e-mail не будет опубликован. Обязательные поля помечены *