Loading

wait a moment

НӨКИС РАЙОНЫНДА «КАМАЛАК» СӘРДАРЛАРЫНЫҢ ДӘСТҮРИЙ АНЖУМАНЫ БОЛЫП ӨТТИ

Нөкис районы 15-санлы Балалар музыка ҳәм көркем-өнер мектебинде «Камалак» балалар шөлкеминиң «Ўатан, дослық ҳәм бахытлы балалық ушын!» ураны астында XVIII Анжуманы болып өтти.
Анжуманды Нөкис районы ҳәкими орынбасары М.Таджетов кирис сөз бенен ашып берип, жаслардың ҳақ-ҳуқықларын тәмийинлеў, талант ҳәм қәбилетлерин раўажландырыўы ҳәм жүзеге шығарыўы ушын заманагөй шәрт-шәраятлар жаратыў жасларға тийисли мәмлекетлик сиясатының баслы бағдарларынан екенлигин атап өтти.

Анжуман шеңберинде жойбарлар ҳәм таңлаўлар жеңимпазлары ҳәм де белсенди жаслар мүнәсип сыйлықланды. «Жаслар театр студиялары» ҳәм оқыўшы-жаслар тәрепинен таярланған аяқ-ойынлар Анжуманға өзгеше көтериңки руўх бағышлады.


Анжуманда Өзбекстан жаслар аўқамы районлық Кеңеси менен биргеликте өзиниң басламасы ҳәм белсендилиги менен ажыралып турған бир топар мектеп директорлары, мәкеме ҳәм шөлкем басшылары, «Жылдың ең белсенди Жаслар аўқамы сәрдары» ҳәм «Жылдың ең белсенди басланғыш шөлкем жетекшиси» номинацияларын қолға киргизген бир қатар жаслар Өзбекстан жаслар аўқамы Нөкис районлық Кеңеси тәрепинен диплом ҳәм естелик саўғалары менен сыйлықланды.

Добавить комментарий

Ваш e-mail не будет опубликован. Обязательные поля помечены *