Loading

wait a moment

РАМАЗАН ҲАЙЫТЫ МҮБӘРЕК БОЛСЫН!

Миллий диний қәдириятларымызды сақлаў ҳәм ардақлаўда аҳмийетли болып киятырған кутлы мүбәрек Рамазан ҳайыт байрамы ҳәр жылы пүткил мәмлекетимиз бойлап кең түрде белгиленип өтиледи. Быйыл да бул муқаддес сәне республикамыздың барлық орынларында көтеринкилик руўхта нышанланды.
Әзелден халқымыз саўап ислердиң, қайырқомлықтың баслаўшысы. Бәрше ўатанласларымыз қатарында Нөкис районы халқы да қутлы мүбәрек Рамазан ҳайыт байрамын мүнәсип кутип алды. Ерте таңнан кеўиллерине жақсы нийетлерин жәмлеген район турғынлары Нөкис районлык Иман Ишан жоме мешитине жыйналды. Жыйналғанларды район ҳәкими А. Сейтахов ҳәм басқа да сөзге шыққанлар мүбәрек байрам менен қутлықлап, жақсы тилеклерин билдирди. Хақыйқатында да, хадаллық, аўызбиршилик, мехир-мүриўбет ҳәм қайыр сақаўат байрамы саналған Рамазан ҳайыт байрамы халқымыз арасында исеним, ағла адамгершилик пазыйлетлердиң және де кеңнен ен жайыўына , соның менен бирге ғарезсизлигимиздиң қәдир қымбаты және де беккемлениўине хызмет етпекте. Жыйналғанлар бул байрамның адамларды жақсылыққа шақырыўын тилеп нийет етти. Елимизде хүким сүрип турған тынышлық, ашық аспан ушын шүкиршилик етип, өткенлер руўхына дуўалар окылды.

Добавить комментарий

Ваш e-mail не будет опубликован. Обязательные поля помечены *