Loading

wait a moment

НӨКИС РАЙОНЫНДА БИЙДАЙ ОРАҒЫ БАСЛАНДЫ

Аўыл хожалығы тараўында жумыс алып барып атырған пидайылар иси хәзир және де қызғын түс алмақта. Ғәллешилик тараўда өзлестирилген тийкарғы тармақлардың бири болып, халқымыздың дән ҳәм дән өнимлерине болған талабын жетерли канаатландырыў жолында дийханларымыздың тәжирийбеси барған сайын артып барар екен, бул усы кунлердеги ылғаллы мийнеттиң күшейиўине тийкар жаратып атыр.

Нөкис районындағы «Қырантаў» аўыл пуқаралар жыйынында жайласқан Дән ҳәм собықлы егинлер илимий изертлеў институты Қарақалпақстан илимий тәжирийбе станциясында бийдай орым-жыйынына бағышланған көргизбели семинар болып өтти. Оған Қарақалпақстан Республикасы Министрлер Кеңеси ҳәм аўыл хожалық тараўы қәнигелери қатнасты. Семинарда ғәлле өнимин жыйнап алыў шөлкемлестириўшилик пенен алып барыў кереклиги атап өтилди. Районда бийдай өнимине 260 фермер хожалықлары 5800 гектар майданға бийдай егилген болып, усы бийдайды жыйнап алыў ушын 20 отряд ҳәм 20 комбайн 200 дана техника бириктирилген.

Ана жерге меҳир берип, мийнет еткен дийхан-быйылғы жылдың өними өткен жылғыдан да берекетли ҳәм өнимли келиўин нийет етеди. Өзиниң ырысқы-несийбесин ана жерден деп биледи. 2019-жыл ғәлле өниминен фермер хожалықлары кеминде 50 центнерден аламыз деген үмитте. Мақсет — ел тилегин толтырыў ҳәм усы арқалы халқымыз дастүрханының молшылығын тәмийинлеў болып табылады.

Добавить комментарий

Ваш e-mail не будет опубликован. Обязательные поля помечены *