Loading

wait a moment

Нөкис районында «Гала-концерт»

Нөкис районы Балалар өспиримлер спорт мектебинде 30-июнь «Жаслар күни»не бағышланған арнаўлы гала-концерт болып өтти.
Гала концертти Нөкис районы ҳәкими Ажинияз Полатбаевич Сейтахов кирис сөзи менен ашып берди ҳәм келешегимиз болған жасларды бүгинги 30-июнь “Жаслар күни” байрамы менен қызғын қутлықлап, күн сайын жаңаланыўларға, раўажланыўларға бой созған елимизде жаслардың ҳәр тәреплеме белсене қатнасып атырғанын мақтаныш пенен атап өтти.

Гала концерт даўамында “Жаслар айлығы” шеңберинде өткерилген ҳәр қыйлы спорт жарысларында, илажларда жоқары нәтийжелерди колға киргизген бир қатар жасларымыз район ҳәкими тәрепинен байрам саўғалары сыйлықланды.
Илаж даўамында Қарақалпақ эстрада жулдызлары қатнасындағы концерт бағдарламалары менен даўам етип, районымыз жасларына өзгеше котериңки байрам кейпиятын инәм етти.

Буннан басқада Арқа-батыс әскерий округиниң оркестр топарының музыкалық ҳәм 71181-санлы әскерий бөлиминиң әскерий шығыўлары менен жасларымыздың кеўиллеринде ўатансүйиўшиилик сезимлерин еледе күшейиўине өз үлесин қосты.
Гала концертке районымыздың барлық орынларынан жами 2000 нан аслам жаслар қамтып алынды.

Добавить комментарий

Ваш e-mail не будет опубликован. Обязательные поля помечены *