Loading

wait a moment

“ЖАСЛАР КҮНИ”НДЕ ЖАСЛАРҒА АЛТЫ ИМАРАТ ПАЙДАЛАНЫЎҒА ТАПСЫРЫЛДЫ

Нөкис районы «Ақманғыт» посёлқалық пуқаралар жыйыны аймағында жаңадан “HAPPY CHILDRENS” мәмлекетлик-жеке шериклик тийкарында мектепке шекемги билимлендириў мәкемеси пайдаланыўға тапсырылды. Салтанатлы ашылыў кешесине район ҳәкими ҳәм кең жәмийетшилик қатнасты.
Бул мәмлекетлик жеке шерикшилик тийкарында мектепке шекемги билимлендириў мәкемеси 100 орынға мөлшерленген болып, тәрбияланыўшылар төрт топарға ажыратылады. Бул жерде балалар қарақалпақ, рус ҳәм инглиз тиллеринде тәлим-тәрбия алыўы жолға қойылған.
Мектепке шекемги билимлендириў мәкемеси 3 млрд 270 млн сўм кредит қаржы есабынан қурылған. Бул жерде 22 адам жумыс пенен тәмийинленип, ҳәптесине алты күн жумыс алып барады.
Барлык ханалары заманагөй мебельлер, зәрүр инвертарлар ҳәм оқыў методикалык қолланбалар менен балаларымызды жаңа технологиялар менен тәлим-тәрбия бериў жолға қойылған.

Нөкис район “Саманбай” аўыл пуқаралар жыйыны аймағынан “Тумарис” шақараклық жеке тәртипте мектепке шекемги билимлендириў мәкемеси пайдаланыўға тапсырылыды. Онда сөзге шыққанлар мәмлекетимиз тәрепинен мектепке шекемги билимлендириў мәкемелерине үлкен итибар қаратылып, тәрбияланып атырған балалар ертеңги күни руўхый жақтан шыныққан, кәмил инсан болып жетилисип шығыўы кереклиги айтылып өтилди. Бул жерде 25 балаға тәлим тәрбия алыў ушын мөлшерленген болып 2 топар жумыс баслап жергиликли 4 пукараны жумыс пенен тамийинленди. Район ҳәкимлиги тәрепинен мектепке шекемги билимлендириў мәкемесине баҳалы саўғалар тапсырылды. Сондай-ак, сол жердеги пуқаралар ушын да қолайлы ҳәм жақын болғанлығынан миннетдаршылығын айтпакта.

Нөкис районы “Арбашы” аўыл пуқаралар жыйынында 35-санлы шаңарақ поликлиникасының филиалы пайдаланыўға тапсырылды. Оған район ҳәкими А. Сейтахов ҳәм жәмийетшилик қатнасты. Бул шаңарақ поликлиникасына инвестиция 1млрд 139 млн сўм қаржы ажыратылып, “Нөкис Еркин қурылыс” жуўапкершилиги шекленген жәмийети тәрепинен қурып питкерилди. Онда 1 врач ҳәм 2 мийрибийке жумыс алып барады. Сондай-ақ, заманагөй әсбап-үскенелер менен тәмийинленген болып, медицина хызметкерлери 3259 пуқараға хызмет көрсетеди.

Нөкис районы “Ақманғыт” ППЖ аймағында 30-июнь “Жаслар күни” байрамы мүнәсибети менен “Yoshlar — kelajagimiz” мәмлекетлик бағдарламасы тийкарында жас исбилермен Гүлназ Меңлибаева тәрепинен район жаслары ушын байрам саўғасы ретинде жасалма қапламалы спорт майданшасын пайдаланыўға тапсырылды. Спорт майданшасының ашылыў мәресиминен соң θзбекстан жаслар аўқамы Нөкис районлық Кеңеси ҳәм бир қатар бирге ислесиўши шөлкемлер менен биргеликте “Аўқам кубоги” спорт жарысы өткерилди. Жарыс жуўмағында 1-орынды 1-санлы мектептиң командасы ийелеп шөлкемлестириўшилер тәрепинен диплом ҳәм естелик саўғалары менен сыйлықланды.

Нөкис районы “Саманбай” АПЖ аймағында 30-июнь “Жаслар күни” байрамы мүнәсибети менен 32-санлы улыўма орта билим бериў мектеби жанынан район жаслары ушын байрам саўғасы ретинде жасалма қапламалы спорт майданшасын пайдаланыўға тапсырылды. Спорт майданшасының ашылыў мәресимине район ҳәкими А.Сейтахов ҳәм бир қатар мәкеме, кәрхана басшылары қатнасты.

Нөкис районы “Балалар дем алыў бағы”нда “Жаслар күни” мүнәсибети менен район ҳәкимлиги тәрепинен район жаслары ушын барлық қолайлықларға ийе заманагөй дем алыў орайы саўға етилди.

Добавить комментарий

Ваш e-mail не будет опубликован. Обязательные поля помечены *