Loading

wait a moment

САЛЫҚ ТАРАЎЫНДА

Елимизде исбилерменлик пенен шуғылланыўды қәлеўши пуқаралар ушын барлық шәрт-шараятлар жаратылыўы менен бирге, ҳәр тәреплеме қоллап-қуўатланбақта.
Өзбекстан Республикасы Президентиниң 2018 жыл 27 июльдағы “Исбилерменлик субъектлериниң ҳуқықлары ҳәм нызамлы мәплерин қорғаў системасын жәнеде жетилистириў илажлары ҳаққында”ғы пәрманы қабыл етилген еди. Усы Пәрманға муўапық, 2018 жыл 1 апрелге шекем исбилерменлик статусын жойытқан, ҳәрекетсиз турған, исбилерменлик ҳәрекетин ўақтынша тоқтатқан жеке тәртиптеги исбилерменлер ҳәм мәмлекетлик дизимнен өтпестен исбилерменлик пенен шуғылланған физикалық шахслар 2019 жыл 1 июлға шекем исбилерменлик жумысларын тиклеген яки нызам ҳүжжетлеринде белгиленген тәртипте мәмлекетлик дизимнен өткен жағдайларда, қатаң белгиленген салық ҳәм усы қарыздарлық ушын есапланған үстеме(пенялар) бойынша қарыздарлықты, сондай-ақ финанс жәриймалар ҳәмде бир жыллық қатаң белгиленген салық суммасының есаптан шығарылыўы көрсетилген.
Атап айтқанда, Нөкис районлық мәмлекетлик салық инспекциясы бойынша усы Пәрманға муўапықири салық қарыздарлықларына ийе жеке тәртиптеги исбилерменлер ҳәм физикалық шахслардың салық қарызын қысқартыў бойынша 67 жеке тәртиптеги исбилерменлер ҳәм физикалық шахсларға 93,6 миллион сум салық қарыздарлығы бойынша хабарнамалар жиберилип, 20 исбилерменлик жумысларын тиклеген жеке тәртиптеги исбилерменлер ҳәм физикалық шахслардың 90,7миллион сумлық салық қарыздарлықлары есаптан шығарылды.
45 жеке тәртиптеги исбилерменлер ҳәм физикалық шахслардың 5,4миллион сумлық салық қарыздарлықлары өндирилди ҳәм 3 жеке тәртиптеги исбилерменниң2,9миллион сумлық салық қарыздарлығы банкротлық тийкарында есаптан шығарылды.
Сондай-ақ, Өзбекстан Республикасы Президентиниң 2018-жыл
26-декабрдеги “Өзбекстан Республикасының 2019-жылғы тийкарғы макроэкономикалық көрсеткишлери прогнозы ҳәм мәмлекетлик бюджет параметрлери ҳәмде 2020-2021-жылларға бюджет мөлжеллери ҳаққындағы” ПҚ-4086-санлы қарары менен Жеке тәртиптеги исбилерменлердиң қатаң белгиленген салық ставкаларына өзгерислер киритилип бир қанша жеңилликлер берилди. Атап айтқанда,жеке тәртиптеги исбилерменлер ушын 2018-жылы азық-аўқат ҳәм азық аўқатемес товарларды усақлап сатыў ставкасы районлық жерлерде (2018-жыл басындағы ең кем ис ҳақы 172240 сўм) ең кем ис ҳақының 2,5 есеси муғдарында 430600 сум белгиленген болып, 2019-жыл 1-январынан баслап 300000 сум етип белгиленди. Егерде сол ставка тийкарында усы жылғы ең кем ис ҳақы менен есапланған жағдайда 506900 сум болар еди. Яғный, өткен жылғы ставка менен салыстырылғанда 41 пайызға кемейди.
Соның менен бирге, усы жағдай бойынша хызмет көрсетиў ҳәм басқа жумыс түрлери бойынша қатаң белгиленген салық төлеў муғдары 50,0 мың сум етип белгиленди. Яғный, өткен жылдың ставкасы менен салыстырылғанда
50 пайызға кемейген.
Сондай-ақ, узақ аўыллық жерлерде халық саны 5000 ға жетпеген аймақларда шаштәрезхана ҳәм моншахана тараўы менен шуғылланған исбилерменлерге 2023-жылға шекем қатаң белгиленген салық түринен азат етилген.
Буннан тысқары, Өзбекстан Республикасы Президентиниң “Халық бәнтлигин тәмийинлеў бағдарындағы жумысларды жетилистириў ҳәм нәтийжелилигин асырыў илажлары ҳаққында”ғы ПҚ-3856-санлы қарары менен қабыл етилген дәстүрлертийкарында биринши мәртебе жеңиллетилген кредитлер есабынан алынған үскенелерде исбилерменлик пенен шуғылланған жағдайда 6 (алты) айға шекем қатаң белгиленген салықтан азат етилетуғынлығы белгиленген.

                         
Нөкис районлық МСИ баслығы.             Ф.Халмуратов,

Добавить комментарий

Ваш e-mail не будет опубликован. Обязательные поля помечены *