Loading

wait a moment

Халық депутатлары Нөкис районлық Кеңесиниң 47-сессиясының Ш Е Ш И М И

5-июль 159/47-санлы

Өзбекстан Республикасы Президентиниң 2019-жыл 27-майдағы «Өзбекстан Республикасында коррупцияға қарсы гүресиў системасын еледе жетилистириў илажлары ҳаққында»ғы ПП-5729-санлы Пәрманы талапларынан келип шығатуғын баслы ўазыйпалар ҳаққында

2017-2021-жылларда Өзбекстан Республикасын раўажландырыўдың бес баслы жөнелиси бойынша Ҳәрекетлер стратегиясында белгилеп алынған ўазыйпалар тийкарында кең көлемли илажлар әмелге асырылмақта.
Бүгинги күнде пуқаралардың ҳуқық ҳәм еркинликлерин исенимли қорғаў ҳәм де нызам үстинлигин тәмийинлеў ҳәм суд-ҳуқық системасын еледе реформалаўға бағдарланған системалы илажлар алып барылмақта.
Сондай-ақ, ҳуқық қорғаў уйымлары ҳәм қадағалаў мәкемелери хызметкерлери арасында ҳуқықбузарлықлардың алдын алыў, профилактикалық жумыслары ҳәм сапластырыў бойынша ведомстволық қадағалаўдың заманагөй механизмлерин еңгизиў ҳәм де коррупцияға қарсы гүресиўдиң шөлкемлестириўшилик-ҳуқықый механизмлерин жаратыў ҳәм коррупцияға қарсы гүресиў бағдарында бир қатар жумыслар алып барылмақта.
Соның менен бирге, бүгинги күнде ҳуқық қорғаў уйымлары ҳәм қадағалаў мәкемелери жумыслары үстинен жәмийетшилик қадағалаў бағдарында әмелге асырылып атырған илажларды еледе жетилистириў талап етилмекте.
Жоқарыдағыларды инабатқа алып, Өзбекстан Республикасы Президентиниң 2019-жыл 27-майдағы “Өзбекстан Республикасында коррупцияға қарсы гүресиў системасын еледе жетилистириў илажлары ҳаққында”ғы ПП-5729-санлы Пәрманы талапларында белгиленген ўазыйпаларды өз мүддетлеринде сапалы етип орынланыўын тәмийинлеў мақсетинде ҳәмде Қарақалпақстан Республикасы Жоқарғы Кеңесиниң Регламенти 2019-жыл 29 июньдағы 253/XXVI-санлы қарарына муўапық Халық депутатлары Нөкис районлық Кеңесиниң қырық жетинши сессиясы

Ш Е Ш И М Е Т Е Д И :

  1. Өзбекстан Республикасы Президентиниң 2019-жыл 27-майдағы “Өзбекстан Республикасында коррупцияға қарсы гүресиў системасын еледе жетилистириў илажлары ҳаққында”ғы ПП-5729-санлы Пәрманында белгиленген ўазыйпалар ҳәмде Қарақалпақстан Республикасы Жоқарғы Кеңесиниң Регламенти 2019-жыл 29 июньдағы 253/XXVI-санлы қарары орынлаў ушын басшылыққа алынсын.
  2. Коррупцияға қарсы гүресиў бағдарында әмелге асырылып атырған илажлар ҳаққында Нөкис районы Прокуроры — Коррупцияға қарсы гүресиў бойынша мәкемелераралық комиссиясы баслығы Ш.Алламбергеновтың мәлимлемеси мағлыўмат ушын қабыл етилсин.
  3. 2019-2020-жылларда Нөкис районында коррупцияга қарсы гүресиў системасындағы жумыслардың барысын үйрениў бойынша комплекс илажлар режеси 1-қосымшаға муўапық тастыйықлансын.
  4. Коррупцияға қарсы гүресиў бойынша Нөкис районы мәкемелераралық комиссиясының жаңаланған қурамы 2-қосымшаға муўапық тастыйықлансын.
  5. Халық депутатлары Нөкис районлық Кеңесиниң қурамындағы Нызамлылық, ҳуқық тәртиби ҳәм пуқаралардың қәўипсизлигин тәмийинлеў мәселелери бойынша турақлы комиссия негизинде Нызамлылықты тәмийинлеў ҳәм коррупцияға қарсы гүресиў бойынша турақлы комиссияларын дүзиў ҳәм жергиликли Кеңеслердиң регламенти ҳәм режелерине тийисли өзгерис ҳәм қосымшалар киритилсин.
  6. Халық депутатлары Нөкис районлық Кеңеси қурамындағы Нызамлылықты тәмийинлеў ҳәм коррупцияға қарсы гүресиў бойынша турақлы комиссиясына:
    -орынларда коррупцияға қарсы гүресиў системасындағы жумыслардың жағдайын комплексли үйрениў;
    -орынларда коррупция көринислери жүз бериўине алып келетуғын системалы машқалалар ҳәм коррупцияның жағдайы ҳаққында ҳәмде бул системадағы жумысларды жетилистириў бойынша усынысларды Нөкис районы ҳәкимлигине турақлы түрде мәлимлеме киритип барыў ўазыйпалары жүкленсин.
  7. Коррупцияға қарсы гүресиў бойынша Нөкис районлық мәкемелераралық комиссия ағзалары, мәкеме, кәрхана ҳәм шөлкем басшылары “2019-2020-жылларда Нөкис районында коррупцияға қарсы гүресиў системасындағы жумыслардың барысын үйрениў бойынша комплекс илажлар режеси”нде белгиленген ўазыйпалардың сапалы ҳәм өз мүддетлеринде сөзсиз орынланыўын тәмийинлеў бойынша кескин илажлар көрсин.
  8. Коррупцияға қарсы гүресиў бойынша Нөкис районлық мәкемелераралық комиссиясы баслығы (Ш.Алламбергенов) “2019-2020-жылларда Нөкис районында коррупцияға қарсы гүресиў системасындағы жумыслардың барысын үйрениў бойынша комплекс илажлар режеси”нде белгиленген ўазыйпалардың орынланыўын турақлы қадағалаўға алып, әмелге асырылған жумыслар бойынша ҳәр айдың жуўмағы менен Район ҳәкимлигине жазба түрде мәлимлеме киритип барсын.
  9. Усы Қарардың орынланыўын қадағалаў Халық депутатлары Нөкис районлық Кеңесиниң Нызамлылықты тәмийинлеў ҳәм коррупцияға қарсы гүресиў бойынша турақлы комиссиясы баслығы (М.Бегдуллаев)на жүкленсин.
                                                                                   Халық депутатлары Нөкис 
                                                                                        районлық Кеңесиниң
       2019-жыл 05-июльдағы 
        159 / 47 санлы шешимине 
       2-қосымша

Коррупцияға қарсы гүресиў бойынша нөкис районы мәкемелераралық комиссиясының жаңаланған
Қ У Р А М Ы

  1. Ш.Алламбергенов — Нөкис районы прокуроры, комиссия баслығы
  2. М.Таджетов — Нөкис районы ҳәкиминиң орынбасары
  3. С.Абатова — Нөкис районы ҳәкиминиң орынбасары, ҳаял-қызлар комитети баслығы
  4. И.Сейтназаров — Нөкис районы Əдиллик бөлими баслығы
  5. Н.Сейтназаров — Пуқаралардың өзин-өзи басқарыў уйымлары жумысларын муўапықластырыў бойынша Нөкис районлық Кеңеси баслығының биринши орынбасары
  6. Қ.Моятдинов — Өзбекстан жаслар аўқамы Нөкис районы Кеңеси баслығы
  7. Тараўлар бойынша — Нөкис районы кәсиплик аўқамлар районлық Кеңеси баслықлары
  8. Т.Абдижаббаров — «Нураный» фонды Нөкис районлық бөлими баслығы
  9. Э.Дуйсенбаев — Өзбекстан Саўда санаат палатасы Нөкис районы бөлими баслығы
  10. Л.Сейтова — Нөкис районлық Қаржы бөлими баслығы
  11. Д.Отарбаев — Нөкис районы халықтың бәнтлигине көмеклесиў орайы директоры
  12. Р.Оразбаев — Нөкис районы Экономика ҳәм санаат бөлими баслығы
  13. Г.Уснатдинова — Нөкис районы “Қутанкөл” агроэкономика касп-өнер колледжи директоры ў.ў.а
  14. Б.Жанназаров — Нөкис районы “Шортанбай” аўыл хожалық касип-өнер колледжи директоры ў.ў.а
  15. Ж.Берданов — Нөкис районы “Кердер” санаат транспорт колледжи директоры
  16. Т.Оразбаев — Нөкис районы Халық билимлендириў бөлими баслығы
  17. З. Арзыбаева — Нөкис районы мектепке шекемги билимлендириў бөлими баслығы
  18. Ж.Қалменов — Нөкис районы Мәденият бөлими баслығы
  19. Ф.Халмуратов — Нөкис районы Мәмлекетлик салық инспекциясы баслығы
  20. Р.Кайбуллаев — Нөкис районы Статистика бөлими баслығы
  21. П.Ембергенова — Нөкис районы Медицина бирлеспеси баслығы
  22. Ж.Ходжаниязов — Нөкис районы телекоммуникация тармағы баслығы
  23. А.Хожаназаров — Нөкис районы «Ақмаңғыт таңы» газетаси бас редакторы
  24. А.Рысназаров — Өзбекстан Республикасы Бас прокуратурасы жанындағы Экономикалық жынаятларға қарсы гүресиў департаменти Нөкис районы бөлими баслығы
  25. А.Пахратдинов — Қарақалпақстан телерадиокомпаниясы Нөкис районындағы хабаршысы

Еслетпе: Комиссия ағзалары басқа лаўазымға өткен жағдайда оның қурамына усы лаўазымға тайынланған шахслар киритиледи.

Халық депутатлары Нөкис районлық Кеңесиниң 47-сессиясының

Ш Е Ш И М И

2019-жыл 05-июль 160/47-санлы

“Районда инвестиция жойбарлары ҳәм жаңа жумыс орынларын шөлкемлестириў бойынша әмелге асырылып атырған жумыслар ҳаққында”.

Өзбекстан Республикасы Президенти басшылығында 2018-жылдың
5-июнь күнги өткерилген видеоселекторда белгилеп берилген ўазыйпалардың орынланыў мақсетинде ҳәм «Жергиликли мәмлекетлик ҳәкимият ҳаққында»ғы Қарақалпақстан Республикасы Нызамының
15-статьясына муўапық, Халық депутатлары Нөкис районлық Кеңесиниң қырық жетинши сессиясы

             Ш Е Ш И М    Е Т Е Д И:
  1. Районда инвестиция жойбарлары ҳәм жаңа жумыс орынларын шөлкемлестириў бойынша әмелге асырылып атырған жумыслар ҳаққында район ҳәкиминиң инвестициялар, инновациялар, меншиклестирилген кәрханаларға көмеклесиў ҳәм киши санаат зоналары ҳәм де туризмди раўажландырыў мәселелери бойынша орынбасары А.Оразбаевтың есабаты мағлыўмат ушын қабыл етилсин. 2. Район ҳәкиминиң тараўлар бойынша барлық орынбасарлары (Қ.Тоқымбетов, А.Оразбаев, М.Узакбергенов, М.Таджетов, М.Қалмуратов, С.Абатова)на
    • 2018-жылда жаңа жумыс орынларын шөлкемлестириў ҳәм халықтың бәнтлигин тәмийинлеў бағдарламасының тийкарғы жөнелислери ҳәм параметрлериниң орынланыўын тәмийинлеў мақсетинде районды социаллық-экономикалық жақтан раўажландырыў, аўыллық жерлерде үлгили жойбардағы турақ жайларды қурыў, фермер хожалықларын раўажландырыў, ҳәрекетсиз турған кәрханалар жумысын қайта тиклеў, оларды техникалық жақтан модернизациялаў, сондай-ақ басқа да мәнзилли бағдарламалардың орынланыўы бойынша анық иләжларды көриў;
    • 2018-жылда жаңа жумыс орынларын шөлкемлестириў ҳәм халықтың бәнтлигин тәмийинлеўде биринши гезекте кәсип-өнер колледжлери питкериўшилерине, шет еллерден қайтып келген мигрантларға ҳәм адам саўдасынан жәбир көрген пуқаралардың бәнтлигин тәмийинлеўге ҳәм колледж питкериўшилерине кредитлер берилиўине айрықша дыққат аўдарыў;
    • бағдарламаның орынланыўын системалы ҳәм турақлы түрде мониторинг қылынып барылыўын тәмийинлеў мақсетинде салық, статистика, мийнет ҳәм халықты социаллық жақтан қорғаў уйымлары менен биргеликте бирден-бир мағлыўматлар базасын шөлкемлестириў иләжларын көриў ҳәм орынланыўын қадағалап барыў тапсырылсын.
    1. Районлық Инвестиция бөлимине:
    • 2019-2020-жылларда санаат, хызмет көрсетиў ҳәм аўыл хожалығын раўажландырыў жойбарларын әмелге асырыў бойынша зәрүрли болған барлық анық иләжларды көриў;
    • 2019-2020-жылларда Халықаралық финанслық шөлкемлериниң қаржылары есабынан район аймағында шарўашылық ҳәм аўыл хожалық өнимлерин жетистириў ҳәм қайта ислеў жойбарларын өз ўақтында әмелге асырыў бойынша барлық ис-илажлар көрилсин;
    • район аймағындағы бос турған, қурылысы тамамланбаған ҳәм толық қуўатлықта ислемей турған имаратларды табыў олардың искерлигин жәнеде асырыў бойынша тармақ кестелери ислеп шығылып, олардың өз ўақтында иске түсириў ҳәмде қосымша жумыс орынларын жаратыў бойынша керекли болған барлық ис-илажлар көрилсин;
    1. Халық депутатлары Нөкис районлық Кеңеси депутатларына:`
    • өз округлеринде халықтың абаданшылығын асырыўда, халыққа хызмет көрсетиў ҳәм сервис, үй мийнети, шарўашылық ҳәм қусшылықты раўажландырыў арқалы жаңа жумыс орынларын шөлкемлестириўге итибар қаратсын.
      1. Усы шешимниң орынланыў барысын қадағалап барыў районлық Кеңестиң турақлы комиссиялары баслықларына жүкленсин.

Халық депутатлары Нөкис районлық Кеңесиниң 47-сессиясының

Ш Е Ш И М И

2019-жыл 05-июль 161/47-санлы

Өзбекстан Республикасы Президентиниң 2018-жыл 24-декабрь күнги
ПҚ-4075-санлы «Жәмәәт қәўипсизлигин тәмийинлеў нәтийжелилигин асырыў бойынша қосымша ис-илажлары ҳаққында»ғы қарарының Ишки ислер бөлими тәрепинен алып барылып атырған жумыслар ҳаққында.

    «Жынаятшылықтың ерте алдын алыў ҳәм ҳуқуқбузарлыққа қарсы гүресиў бойынша районда 2019-жыл июнь айында алып барылып атырған жумыслары ҳаққында»ғы Нѳкис районы ишки ислер бѳлиминиң есабаты додаланып, «Жергиликли мәмлекетлик ҳәкимият ҳаққында»ғы Ѳзбекстан Республикасы Нызамының 6-статьясына муўапық, Халық депутатлары Нөкис районлық Кеңесиниң қырық алтыншы сессиясы

                        Ш Е Ш И М    Е Т Е Д И:
  1. «Жынаятшылықтың ерте алдын алыў ҳәм ҳуқуқбузарлыққа қарсы гүресиў бойынша районда 2019-жыл июнь айында алып барылып атырған жумыслары ҳаққында»ғы Нөкис районы ишки ислер бѳлими баслығы С.Казбековлардың есабатлары мағлыўмат ушын қабыл етилсин.
    2.Нѳкис районы ҳәкиминиң жаслар сиясаты, социаллық раўажландырыў ҳәм руўхый ағартыўшылық мәселелери бойынша орынбасары (М.Таджетов)на ҳәм Районлық Ишки ислер бөлими баслығы (С.Казбеков)на;
  • районда жынаятшылық халаты ҳәм криминоген жағдайы ҳәр айда мәҳәллелер кесиминде талықлап барыў;
  • әмелге асырылған жумыслар ҳаққында мағлыўмат ҳәм жумыс нәтийжелилигин асырыў бойынша ислеп шығылған усынысларды ҳәр шеректен кейинги айдың 10-сәнесине шекем Республика комиссиясына усыныў ўазыйпасы тапсырылсын.
    3.Район аймағындағы 4-сектор басшыларына:
  • жынаятлар саны асқан ҳәр бир мәҳәлледе жынаят ислеўине имкан берген тийкарғы себеп ҳәм шәрт-шәраятларды терең анализ қылған ҳалда, алдағы ўақытлары сапластырыў бойынша “Жол карта”ларын ислеп шығылыўын ҳәмде криминоген ҳалаттан келип шығып, күш ҳәм қуралларды дурыс бөлистириўди тәмийинлеў;
  • “Жынаятқа қарсы гүресиў ҳақыйқаты ҳәм әдалаты” системасын әмелге асырыўда ҳаял-қызлар, жас ѳспиримлер, жаслар яки басқада халық қатламлары тәрепинен жынаят исленгенлиги ҳалатлары бойынша тийисли ҳәм жуўапкер мәкемелердиң жуўапкер басшылары тәрепинен орынларға шығып, жынаяттың тийкарғы себеплерин үйрениў ҳәм жәмәәтшилик арасында анализлеў, жынаяттың алдағы ўақытта тәкирарланыўының алдын алыўға қаратылған анық шаралар кѳриў, жынаятшылыққа қарсы гүресиў әдалатлылығын тәмийинлеў арқалы жынаят ислеген айыплы шахсларды анықлап, оларға тийисли нызам үстинлиги ҳәм жаза анықлығын тәмийинлеўге қаратылған қатаң шаралар көриў ҳәмде бул процесслерди ғалаба хабар қуралларында кең жаратып барыўын тәмийинлеўи:
    4.Нѳкис районы Ишки ислер бѳлими баслығы (С.Казбеков)на;
    -жынаятлардың айрым түрлери асқан мәҳәллелердеги криминоген ҳалатты критикалық анализлеген ҳалда жынаятлардың ашылыў себеплерин анықлыў ҳәм оларды сапластырыўға қаратылған қатаң шаралар көриў;
  • жуўапкер мәкеме ҳәм жәмәәтлик шөлкемлер менен биргеликте ҳаял-қызлар, жас өспиримлер, жаслар, әсиресе жәмленбеген жаслар тәрепинен ислеген жынаят ҳәм ҳуқуқбузарлықларды турақлы аназил етип, олардың келип шығыў себеплери ҳәм факторларын анықлап, толық жуўмақланыўына қаратылған мақсетли шаралар кѳриў;
  • жуўапкер мәкеме ҳәм жәмәәтлик шөлкемлер менен биргеликте “Мениң мәҳәллемде жынаят болмаўы керек” деген уранды ҳәр бир пуқараның аңына сиңдириў;
    5.Районлық халық билимлендириў бѳлими баслығы (Т.Оразбаев), районлық кәсип-ѳнер колледжлери (Г.Уснатдинова, Б.Жанназаров, Ж.Берданов) ҳәм Өзбекстан жаслар аўқамы районлық Кеңеси (Қ.Моятдинов) басқа жәмийетлик шөлкемлер менен биргеликте билимлендириў мәкемелери оқыўшыларының сабақ ўақтында базар, саўда орайлары, қыябанлар ҳәм кеўил ашар орынларда болыўын ҳәмде билимлендириў мәкемелеринде инсан ден саўлығына зыян жеткериўи мүмкин болған буйым ямаса затларды алып келиўиниң алдын алыў бағдарында турақлы түрде илажлар өткерип барыў ўазыйпалары тапсырылсын.
    6.Қарақалпақстан Республикасы телерадиокомпаниясының районлық хабаршысы (А.Пахратдинов), Нөкис районы “Ақманғыт таңы” газетаси редакциясы (А.Хожаназаров) менен биргеликте Нөкис районы аймағында жынаятшылықтың ертеалдын алыў ҳәм ҳуқуқбузарлыққа қарсы гүресиўдиң халаты бойынша әмелге асырылып атырған жумысларды ғалаба хабар қуралларында турақлы түрде жарытып барылсын.
    7.Ушы шешимниң орынланыўын қадағалаў Нызамлылықты, ҳуқуқ тәртибин ҳәм пуқаралардың қәўипсизлигин тәмийинлеў мәселелери бойынша турақлы комиссиясына жүкленсин.

Халық депутатлары Нөкис районлық Кеңесиниң 47-сессиясының

Ш Е Ш И М И

2019-жыл 05-июль 162/47-санлы

“Бюджет дәраматлары базасын асырыў бойынша әмелге асырылған жумыслар ҳаққында.

Өзбекстан Республикасы Президенти басшылығында 2018-жылдың 5-июнь күнги өткерилген видеоселекторда белгилеп берилген ўазыйпалардың орынланыў мақсетинде ҳәм Өзбекстан Республикасы Бюджет кодексиниң 27 статьясына муўапық, Нөкис районлық Қаржы бөлими тәрепинен усынылған Нөкис районлық Жергиликли бюджет түсимлери базасын асырыў бойынша 2019-жылдың II-шереги даўамында әмелге асырылған ҳаққындағы есабаттын көрип шығып, «Жергиликли мәмлекетлик ҳәкимият ҳаққында»ғы Қарақалпақстан Республикасы Нызамының
15-статьясына муўапық, Халық депутатлары Нөкис районлық Кеңесиниң қирық жетинши сессиясы

                      Ш Е Ш И М    Е Т Е Д И:
  1. Нөкис районлық Жергиликли бюджет түсимлери базасын асырыў бойынша 2019-жылдың II-шерегинде районлық салық инспекциясы баслығы Ф.Халмуратов ҳәм қаржы бөлими баслығы Л.Сейтовалардың есабатлары мағлыўмат ушын қабыл етилсин.
  2. Нөкис районы ҳәкиминиң экономика ҳәм исбилерменлик мәселелери бойынша биринши орынбасары (Қ.Тоқымбетовқа)на.
    -бюджет түсимлери базасын асырыў бойынша анық илажларды әмелге асырсын.
    3.Жергиликли бюджет, экономикалық реформаларды әмелге асырыў ҳәм исбилерменликти раўажландырыў мәселелери бойынша турақлы комиссияға (Н.Сейтназаров);
    -төменлеп кеткен салық түрлери бойынша мониторинглер алып барыў арқалы салық жыйнаў дәрежесин арттырыўға ерисиў;
    -халықтың турмыс дәрежесин жақсылаўға бағдарланған социаллық қәрежетлердиң өзлестирилип барыўын тәмийинлеў бойынша тийисли көрсетпелер бериў;
    -қоллап қуўатлаўға мүтәж халықтың кем тәмийинленген ҳәм көп балалы шаңарақ қатламларын социаллық жақтан қоллап-қуўатлаўға бағдарланған илажларды орынланыўы бойынша анализ ислеў;

бюджет түсимлери базасын асырыў бойынша белгиленген болжаўлық көрсеткишлердиң толық ҳәм өз ўақтында орынланыўын тәмийинлесин.
4.Усы шешимниң орынланыўын қадағалаў район ҳәкиминиң биринши орынбасары Қ.Тоқымбетовқа тапсырылсын.

Халық депутатлары Нөкис районлық Кеңесиниң 47-сессиясының

Ш Е Ш И М И

2019-жыл 05-июль 163/47-санлы

“Нөкис районы аўыл пуқаралар жыйынларындағы дийхан хожалықларына ҳәм тамарқа жер ийелериниң усыныслары тийкарында фермер хожалықларының сондай-ақ дийхан ҳәм қыйтақ жер ийелериниң егин майданларынан пайдаланыў нәтийжелилигине ерисиў бойынша исленип атырған жумыслар ҳаққында”.

Өзбекстан Республикасы Олий мәжилиси Сенаты Кеңесиниң 2018-жыл
26-марттағы «Ғәлле зүрәәтлилигин асырыў ҳәм халықтың тамарқа жерлеринен нәтийжели пайдаланыў жағдайларын үйрениўди шөлкемлестириў ис-илажлары ҳаққында»ғы КҚ-312-III-санлы қарары ҳәмде усы қарар тийкарында Қарақалпақстан Республикасы Жоқарғы Кеңеси Президиумының 2018-жыл 30-март күнги 308-санлы қарарларына муўапық фермер, дийхан хожалықлары ҳәм тамарқа жер ийелериниң ҳуқуқларын ҳәм нызамлы мәплерин исенимли қорғаў, тараўда базар механизимлерин енгизиў, ғәлле зүрәәтлилигин асырыў, халықтың тамарқа жерлеринен нәтийжели пайдаланыў мақсетинде, Халық депутатлары Нөкис районлық Кеңесиниң қырық жетинши сессиясы

                   Ш Е Ш И М     Е Т Е Д И:
  1. Фермер хожалықларының сондай-ақ дийхан ҳәм қыйтақ жер ийелериниң егин майданларынан пайдаланыў нәтийжелилигине ерисиў бойынша район фермер, дийхан хожалықлары ҳәм тамарқа жер ийелери Кеңеси баслығы Е.Жақсымовтың есабаты мағлыўмат ушын қабыл етилсин.
  2. Район ҳәкиминиң аўыл ҳәм суў хәм суў хожалығы мәселелери бойынша орынбасары М.Қалмуратов ҳәм район фермер, дийхан хожалықлары ҳәм тамарқа жер ийелери Кеңеси баслығы Е.Жақсымовқа:
  • жер майданларынан дурыс пайдаланбаған, аўыл хожалық егинлерин толық екпеген, агротехникалық қәделерди өз ўақтында әмелге асырмаған фермер хожалықларына жер участкаларына болған ҳуқуқларының бийкар қылыўына шекемги қатаң жуўапкершилик илажларын көрилиўи тәмийнленсин.
  • ҳәр жылы кейинги жыл өними ушын егин егиўден бир ай алдын фермер хожалықлары кесиминде, контурлар ҳәм егин түрлери бойынша, топырақ, суў шәраятынан келиб шығып, кеминде еки мәрте өним алыныўын есапқа алған ҳалда аўыл хожалығы егинлери жайластырылыўын тәмийинлеў;
  • егин жер майданларынан сыпатлы пайдаланыўын тәмийинлеў бойынша ўазыйпаларын анық белгилеў ҳәмде олардың жуўапкершилигин күшейттириў белгиленсин;
  1. Халық депутатлары районлық Кеңеси депутатлары ҳәм пуқаралардың өзин-өзи басқарыў уйымлары менен биргеликте фермер хожалықларының жер майданларынан нәтийжели пайдаланыўы үстинен жәмийетлик қадағалаўды орнатсын.
  2. Район ҳәкиминиң аўыл ҳәм суў хожалығы мәселелери бойынша орынбасары М.Қалмуратов, районлық ирригация бөлими баслығы К.Темирханов, районлық мелиорация бөлими биринши дәрежели инженери К.Камаловларға:
    -фермер, дийхан хожалықлары ҳәм тамарқа жер майданларын суўғарыў ушын турақлы түрде жетерли муғдарлардағы суў менен тәмийинлеў шараларын көрсин.
  • жерлердиң мелиоратив жағдайларын жақсылаў, топырақ өнимдарлығын жылдан жылға асырып барыў мақсетинде аймақлардағы коллекторларда оңлаў, тиклеў ҳәм тазалаў жумыслары бойынша анық ис-илажларды әмелге асырсын.
  1. Район ҳәкиминиң аўыл ҳәм суў хожалығы мәселелери бойынша орынбасары М.Қалмуратов ҳәм районлық фермер, дийхан хожалықлары ҳәм тамарқа жер ийелери Кеңеси баслығы Е.Жақсымов:
  • ҳәр шерек жуўмағы менен халық депутатлары районлық Кеңесине фермер хожалықларының жер участкаларынан нәтийжели пайдаланыў аўҳалы бойынша есабат усынып барсын.
  1. Усы шешимниң орынланыўын қадағалап барыў халық депутатлары районлық Кеңесиниң аграр, суў хожалығы мәселелери бойынша турақлы комиссиясы баслығы Д.Утамбетовқа жүкленсин.
  2. бюджет түсимлери базасын асырыў бойынша белгиленген болжаўлық көрсеткишлердиң толық ҳәм өз ўақтында орынланыўын тәмийинлесин.
    4.Усы шешимниң орынланыўын қадағалаў район ҳәкиминиң биринши орынбасары Қ.Тоқымбетовқа тапсырылсын.

Халық депутатлары Нөкис районлық Кеңесиниң 47-сессиясының

Ш Е Ш И М И

2019-жыл 05-июль 165/47-санлы

Райондағы географиялық объектлердиң атамалары ҳаққында

“Географиялық объектлерге атама бериў ҳәм қайта атама бериў мәселелери бойынша районлық комиссия”сы шешиминиң орынланыўын тәмийинлеў мақсетинде ҳәм Өзбекстан Республикасы Министрлер Кабинетиниң 2012-жыл 16-октябрьдеги “Географиялық объектлердиң атамалары ҳаққында”ғы Өзбекстан Республикасы Нызамына муўапық географиялық объектлердиң атамалары тараўындағы жумысларды тәртипке салыў ис-илажлары ҳаққында”ғы 295-санлы қарары қосымшасы менен тастыйықланған “Географиялық объектлерге атама бериў ҳәм қайта атама бериў мәселелери бойынша республика комиссиясы ҳаққында”ғы Режеси ҳәм Өзбекстан Республикасының “Географиялық объектлердиң атамалары ҳаққында”ғы Нызамына тийкарланып, Халық депутатлары Нөкис районлық Кеңесиниң қырық жетинши сессиясы

ШЕШИМ ЕТЕДИ:

  1. Географиялық объектлерге атама бериў ҳәм қайта атама бериў мәселелери бойынша районлық комиссиясының 2019-жыл 1-июль күнги жыйналыс баянламасы шешими мағлыўмат ушын қабыл етилсин.
  2. «Географиялық объектлердиң атамалары ҳаққында»ғы Нызамына туўры келмейтуғын посёлка, аўыл ҳәм мәкан пуқаралар жыйынларындағы атамалары өзгеретуғын көше ҳәм аўыллар атамаларының дизими
    1-қосымшаға, район аймағындағы барлық көше ҳәм аўыллар атамаларының дизими 2-қосымшаға муўапық тастыйықлансын.
  3. Районлық статистика бөлими (Р.Кайбуллаев), ишки ислер бөлими (С.Казбеков), Жер ресурслары ҳәм мәмлекетлик кадастры бөлими (Б.Ходжалепесов) басқа мәкеме ҳәм шөлкемлер, Кеңес шешими менен атамалары өзгерген географиялық объектлердиң атамаларына байланыслы болған ҳүжжетлерди бир ай мүддетте ислеп шығып муўапықластырсын.
  4. Усы шешимниң орынланыўын қадағалаў, Халық депутатлары районлық Кеңесиниң социаллық-мәдений мәселелери бойынша турақлы комиссия баслығы Қ.Аллияровқа ҳәм район ҳәкиминиң орынбасары М.Таджетовлардың жуўапкершилигине жүкленсин.
  5. Усы шешим районлық “Ақмаңғыт таңы” газетасында рәсмий жәрияланған күннен баслап күшке киреди.

Халық депутатлары районлық Кеңесиниң 2019-жыл 05-июльдағы 165/47-санлы шешимине 1-қосымша

«Географиялық объектлердиң атамалары ҳаққында»ғы Нызамына туўры келмейтуғын посёлка, аўыл ҳәм мәкан пуқаралар жыйынларындағы атамалары өзгеретуғын көше ҳәм аўыллар атамаларының дизими

Сессия басқарыўшысы: А. Сейтахов — 9-санлы «Тарлы» сайлаў округинен депутат
Сессия хаткери: П.Адилов -6-санлы «Шоркөл» сайлаў округинен депутат

Добавить комментарий

Ваш e-mail не будет опубликован. Обязательные поля помечены *